Hayz!! Mga pekeng produkto galing Tsina.. tsktsk!

“Maraming bumibili ng pekeng produkto ay dahil na rin sa agwat ng presyo nito kumpara sa mga orihinal na produkto. Isa din na dahilan ay ang ibang pekeng produkto ay halos kapareho na rin kalidad ng mga produktong nabibili sa mataas na halaga. Isa na marahil na dahilan kung bakit marami pa ring nakakalusot na pekeng produkto mula Tsina sa kabila na ipinagbabawal ito ay dahil na rin sa patuloy na pagkonsumo ng mga Pilipino nito. Mapapansin na sa kabila ng napakaraming nahuhuli sa ganitong Gawain ay nagpapatuloy pa rin ito sa kadahilanang may mga malalaking tao ang nasa likod nito. Marahil ay sinusuportahan o hawak ito ng ilang mayayamang negosyante o pulitiko. Ilan sa mga produktong inaangkat ng Pilipinas mula Tsina ay mga damit, de lata, gamit sa kusina, “electronics”, at marami pang iba. Sa kabilang dako, may kabutihan din itong naidudulot. Una, nakakatipid ang mga Pilipino sapagkat napakalayo ng presyo nito kumpara sa mga bilihin sa mga “shopping malls” at “department stores”. Isa rin na kabutihan nito ay mas maraming produkto ang kanilang nabibili at napapakinabangan din naman ito kagaya ng mga orihinal. Malaki ang nagiging epekto ng pag-angkat ng mga produkto mula Tsina sa mga maliliit na negosyo ng mga Pilipino. Una, nababawasan ang kita nila. Mas tinatangkilik ng mga mamimili ang galing ng Tsina dahil ang ibang produkto nito ay malaki ang pagkakahawig sa mga orihinal na produkto. Ang ibang negosyanteng Pilipino naman ay umaangkat na lang din ng produkto galing Tsina upang lumakas din ang kanilang kita. Maaaring puro pekeng produkto na ang bibilhin ng mga tao. Malulugi ang mga negosyong nagbebenta ng orihinal na produkto. Ang mga inaangkat din sa ibang bansa gaya ng U.S, Japan, Canada at sa iba pang mga bansa ay malulugi. Malulugi din ang ekonomiya ng Pilipinas sapagkat hindi nababayaran ang karampatang buwis para sa mga produkto.”

fakers!